 |
泰雅族傳說(二) SUNU
Kaylanay simu qutux pin'aras ke' na bnkis. Nanu squ raral raral hiya mga , babaw cinbwanan qaniy min'ungat qu zezik na uruw ru Ihluhiy hiya ma. rhzyal ga gigway balay b'nux , ana kya qu rgyax nya mga rrawq ru ttaykuy nanak. taqu gong uzi ga ini baqiy squ wayal lmuhuw inu.
Ki'a mha nanu, muwah sa qutux ryax qu sunu la. Kwara qu sbqiy na qsya min-gyut mbhuyaw ru memaw hmawr qu gong , ktan qu qsya qasa nyal si in-ggyut mbhuyaw ru m'bsilung lma. Mnkux kwara qu Tayal ru mkura te papak gwaqa mgyay , sawn kasa qu qsya uzi ga, nyal si ruruw mkrkyas ru sgnt'tu nya b'bu na rgyax qu Tayal.
|
Unnglung kwara mrhuw na Tayal mha“Swa nyux yan qaniy msttawra qu qsya la ? una kya qu nyux ss'ang nqu utux te ita ka Tayal gaw ? yan nasa lga aki hmswa biqan ta qutux squliq , sgalu ta nya lga teta mswat qu qsya qaniy!" mha ru sgwayaw nha qutux mrawiy na squliq , sbuling nha kska na bsilung. N-gawn nha mita qu qsya ga qzinah nya msttawra ru mbhuyaw lma. Mssliy kwara qu mrhuw na Tayal loziy mha “Ki'a haziy nyux t'uqu nqu psqrgan ta yaqih na squliq la ? balay ga anay ta gmuwyaw squ laqiy na mrhuw ka kneril, teta snhyun nqu utux qu cin'glwan na inlungan ta”. Nanu yasa qu sgwayaw nha balay sa 'laqiy na mrhuw ka kneril, sbuling nha loziy squ kska na qsya qu squliq qasa.
|
|
Bsyaq haziy innaga nha lga , si kta ka wayal si gisa “ gur” msluhiy qu qsya la. babaw nya lga min-ggyut mqlih qu qsya lma, memaw balay mzimu kwara qu 'laqiy na Tayal, swaga nyux balay glgan na utux qu cinglwan nha , ulung su sa sbiqan nha qu knril ka 'laqiy na mrhuw nha.
Babaw na minsunu lmga, tngan kwara qu rhzyal wayal masuq msluhiy ru zezik qu uruw la. Taqu nwahan na qsya hiya, cyux masuq pqaya kwara qu qlqulih ru ttlaqiy , memaw ini kkwa-I maniq nqu Tayal, kya ruma mga wal si pstmah squ pinqzyan nya lma. Nanu yasa qu taring ma?ki qu yaba na rgrgyax ru zezik na uruw uzi la. Nanu yani qu ywaw na sunu ka pin' aras na mrhuw bnkis.
|
|
|
| |
Copyrigh©studwww.nou.edu.tw.All Rights Reserved esigned by Aboriginal
|
